पितृपंधरवड्यामुळे वाढली भाज्यांची मागणी! असा आहे 'भाव'

अहमदनगर : येथील दादा पाटील शेळके कृषी उत्पन्न बाजार समितीत वांगी, फ्लॉवर, गवार, दोडका, भेंडी आदी भाज्यांचे भाव वाढले होते. आजपासून (ता. २१) पितृपंधरवड्याला प्रारंभ होत असल्यामुळे सर्वच भाज्यांना चांगली मागणी आहे.

फळभाज्यांचे क्विंटलचे भाव

टोमॅटो ७०० ते १ हजार, वांगी दोन सातशे पन्नास ते चार हजार, फ्लॉवर अडीच ते चार, कोबी ७५० ते एक हजार, काकडी एक ते दोन हजार, गवार नऊ ते दहा हजार, घोसाळी दोन ते तीन हजार, दोडका साडेतीन ते पाच हजार, कारली दोन ते तीन हजार, भेंडी अडीच ते साडेतीन हजार, वाल साडेतीन ते साडेचार हजार, घेवडा साडेतीन ते चार हजार, बटाटा एक हजार ते एक हजार ३००, लसूण साडेचार ते साडे पाच हजार, हिरवी मिरची दीड ते दोन हजार, सिमला मिरची दोन ते अडीच हजार, आले एक हजार ३०० ते एक हजार ६००, शेवगा चार ते साडेचार हजार, वाटाणा साडे आठ ते दहा हजार, बीट दोन हजार, डांगर ७५० ते एक हजार, दुधी भोपळा एक हजार ७५० ते अडीच हजार रुपये.

पालेभाज्या (शेकडा) :

मेथी दीड ते दोन हजार, पालक ६५० ते ८००, शेपू ९०० ते एक हजार, कोथिंबीर एक हजार ३०० ते एक हजार ६०० रुपये.

१ हजार ८०० रुपयांपर्यंत कांदा

भाज्यांची ७८५ क्विंटल, तर बटाट्याची ११० क्विंटल आवक आज झाली. नेप्ती उपबाजारात २३ हजार ६०० क्विंटल कांद्याची आवक झाली. ४५० रुपयांपासून १ हजार ८०० रुपयांपर्यंत कांदा विकला गेला.