-उमेश मोरगावकर
पाथर्डी : साखर कारखान्यावर काम करताना मशीनमध्ये उजवा हात अडकल्याने कायमचे अपंगत्व आले. मात्र, यावर जिद्दीने मात करत आहे. एका हाताने दुचाकी चालवत खेड्यापाड्यात आईस्क्रिम विकण्याचा व्यवसाय देविचंद रामभाऊ कांबळे (वय २९) करत आहे. तुटलेल्या हाताच्या खांद्याला कापडाची एक गाठ व दुसरी गाठ दुचाकीच्या एक्सलेटरला लावून दुचाकी चालवत कुटुंब चालवण्याची धडपड हा कौतुकाचा विषय ठरत आहे.