अकोले (अहमदनगर) : अकोले तालुक्यातील झेंडूचे पीक घेतलेल्या शेतकऱ्यांच्या फुलांना दिवाळीत चांगला भाव मिळाला. त्यामुळे यंदा शेतकऱ्यांची दिवाळी आनंदात जाणार असल्याचे फुलशेती करणारे शेतकरी प्रकाश महाले यांनी सांगितले.
दिवसभर बांधावर ग्राहक येत असल्याने शेतकऱ्यांचे कुटुंब शेतातच काम करताना दिसते. धनत्रयोदशी असल्याने फुलांना सकाळपासून चांगला भाव मिळाला. शंभर ते दीडशे रुपये किलोने झेंडूच्या फुलांची विक्री अकोले, राजूर, कोतूळ, समशेरपूर बाजारात सुरू होती.
मध्यंतरी भाव नसल्याने शेतकरी अडचणीत सापडला होता. मात्र, दसऱ्यापासून फुलांनी शंभर रुपयांचा भाव टिकवून धरल्याने शेतकरी झेंडूच्या शेतीतून चांगले उत्पन्न घेऊ लागला आहे. जामगावमध्ये दोन एकरांत लावलेल्या झेंडूचे चांगले उत्पादन झाल्याने तोडणीच्या कामाला वेग आला आहे. महाविद्यालयीन विद्यार्थीही पालकांना झेंडूतोडणीच्या कामाला मदत करताना दिसला.
संपादन : अशोक मुरुमकर
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.