Tension at Ahilyanagar Market: Onion Auction Stopped Over Labour Rate DisputeSakal
अहिल्यानगर
Ahilyanagar News: कांदा लिलावात शेतकऱ्यांचा एल्गार! 'अहिल्यानगर हमाली दरवाढीचा विषय'; पाच तास लिलाव बंद
Farmers Raise Voice in Ahilyanagar: ''माथाडी'' चे जिल्हा सचिव एस. पी. हरमळकर यांचे पत्र घोडेगाव येथील हमाल कामगारांच्या व्हॉटसअप ग्रुपवर आल्यानंतर येथील लिलावात अचानक दोनशे टक्के दरवाढीचा निर्णय सांगण्यात आल्यानंतर हजारो शेतकरी व व्यापारी चकीत झाले.
सोनई: माथाडी कामगारांच्या बैठकीत झालेला वाराईचा (हमाली) दर पूर्वसूचना न देता अचानक एक रुपया गोणी ऐवजी तीन रुपये गोणी केल्यानंतर घोडेगाव (ता. नेवासे) येथील उपबाजारात कांदाविक्रेता शेतकरी संतप्त झाले. दरवाढीला विरोध म्हणून पाच तास लिलाव बंद पडल्याने येथील वातावरण तंग झाले होते. पाच तासांनंतर अखेर सायंकाळी चार वाजता शांततेत लिलाव प्रक्रिया सुरू झाली.