माजी आमदार कर्डिलेंनी परतवले पुतण्याचे आव्हान, सुनेचाही केला पराभव

नगर तालुका ः तालुक्‍यातील बुऱ्हाणनगर ग्रामपंचायत निवडणुकीत माजी आमदार शिवाजी कर्डिले यांना त्यांचे पुतणे रोहिदास कर्डिले यांनी आव्हान दिले होते. मात्र, कर्डिले यांनी पुतण्याचे आव्हान यशस्वीरित्या परतवून लावले. 

बुऱ्हाणनगर ग्रामपंचायतीच्या 15 जागांसाठी माजी आमदार कर्डिले व त्यांचे पुतणे रोहिदास कर्डिले यांच्या पॅनलमध्ये लढत झाली. शिवाजी कर्डिले यांच्या गटाने पुतण्याच्या पॅनलचा धुव्वा उडवीत ग्रामपंचायतीवर एकहाती सत्ता मिळविली.

हेही वाचा - नेवाशात शिवसेनेला ५६, राष्ट्रवादीला २, भाजपला अवघी एक

प्रचारात रोहिदास यांनी आघाडी घेतल्याचे दिसत होते. मात्र, ऐन वेळी राजकीय डावपेच टाकत शिवाजी कर्डिले यांच्या गटाने सर्वच जागांवर विजय मिळविला.

चुलत सुनेचा केला पराभव

शिवाजी कर्डिले यांनी चुलतसुनेचा पराभव करण्यासाठी स्वीय सहायकाच्या पत्नीला उभे केले होते. या निवडणुकीत त्यांनी सुनेचाही पराभव केला. अहमदनगर

संपादन - अशोक निंबाळकर