धान्यवाटपासाठी लाभार्थीचे "थम्ब इम्प्रेशन' घेताना दुकानदाराशी जवळून संपर्क येत होता. त्यातून कोरोनाचा संसर्ग वाढण्याचा धोका होता. दुकानदारांच्या सुरक्षेसाठी लाभार्थीचे "थम्ब इम्प्रेशन' न घेता, आरसी क्रमांक घेण्याची सूट द्यावी, अन्यथा दुकाने बंद ठेवणार असल्याचा इशारा निवेदनात दिला होता.
श्रीरामपूर ः कोरोनाच्या पार्श्वभूमीवर स्वस्त धान्य दुकानांतून धान्यवाटप करताना ई-पॉस प्रणाली मार्च-एप्रिलमध्ये शिथिल केली होती. केंद्र सरकारने ही प्रणाली मेमध्ये पुन्हा सुरू करण्याचे निर्देश दिले होते. मात्र, राज्यातील अनेक जिल्हे अजूनही "रेड' व "ऑरेंज' झोनमध्ये असल्याने, कोरोनाचा धोका कायम आहे. ही बाब लक्षात घेऊन राज्य सरकारने मे महिन्याच्या धान्यवाटपासाठी ई-पॉसची अट शिथिल केली आहे.
स्वस्त धान्य दुकानदार संघटनेचे जिल्हाध्यक्ष देविदास देसाई व जिल्हा सचिव रज्जाक पठाण यांच्या नेतृत्वाखाली मुख्यमंत्री उद्धव ठाकरे, अन्न व नागरी पुरवठामंत्री छगन भुजबळ यांना ई-मेल पाठवून ही बाब लक्षात आणून दिली होती.
हेही वाचा - नगरकरांसाठी ही आहे गुड न्यूज
धान्यवाटपासाठी लाभार्थीचे "थम्ब इम्प्रेशन' घेताना दुकानदाराशी जवळून संपर्क येत होता. त्यातून कोरोनाचा संसर्ग वाढण्याचा धोका होता. दुकानदारांच्या सुरक्षेसाठी लाभार्थीचे "थम्ब इम्प्रेशन' न घेता, आरसी क्रमांक घेण्याची सूट द्यावी, अन्यथा दुकाने बंद ठेवणार असल्याचा इशारा निवेदनात दिला होता.
अखेर सरकारने मे महिन्यात धान्यवाटपासाठी ई-पॉसची अट शिथिल करण्याचा निर्णय घेतला. मे महिन्यानंतर कोरोनाच्या स्थितीचा आढावा घेऊन, नंतर ही प्रणाली वापरण्याचा निर्णय घेण्यात येणार असल्याची माहिती भुजबळ यांनी दिली.
