अकोले: घरफोडी करून दरोडा टाकणाऱ्या टोळीचा अकोले पोलिसांनी पर्दाफाश करत तीन आरोपींना अटक केली आहे. या कारवाईत सुमारे १ लाख ९० हजार रुपयांचा मुद्देमाल जप्त करण्यात आला आहे..पोलिसांनी दिलेल्या माहितीनुसार, ११ मार्च रोजी रात्री ९ वाजण्याच्या सुमारास धामणगाव पाट (ता. अकोले) येथे सुरेखा माधव भोर (वय ३५) यांच्या घरात पाच अनोळखी व्यक्तींनी जबरदस्तीने प्रवेश केला. घरातील महिलेसह कुटुंबीयांना मारहाण करून सोन्याचे दागिने, मोबाईल आणि रोख रक्कम असा १ लाख १० हजारांचा ऐवज लुटून आरोपी पसार झाले होते. .अपर पोलिस अधीक्षक श्रीरामपूर यांच्या मार्गदर्शनाखाली विशेष पथक स्थापन करण्यात आले. पथकाने तांत्रिक विश्लेषण आणि गोपनीय माहितीच्या आधारे तपास सुरू ठेवला. तपासादरम्यान आरोपी सुरेगाव (ता. श्रीगोंदा) येथे लपून बसल्याची माहिती मिळाल्यानंतर पोलिसांनी सापळा रचून तिघांना अटक केली. अटक करण्यात आलेल्या आरोपींमध्ये बबन पिंगळा काळे (वय २२), शुभम पिंगळा काळे (वय २०) आणि रवी लाला भोसले (वय ४०, सर्व रा. सुरेगाव, ता. श्रीगोंदा) यांचा समावेश आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
