Akole Landslide News Massive Kalsubai Hill Collapse Devastates 50 Acres of Farmland Tribal Families Survive
sakal
अकोले : तालुक्यातील कळसूबाई शिखराच्या पश्चिम उतारावर झालेल्या भीषण भूस्खलनाने गांगडवाडी परिसरातील आदिवासी शेतकऱ्यांचे आयुष्यच उद्ध्वस्त झाले. डोंगरावरील प्रचंड दरड, झाडे, दगड, माती आणि बंधारे तब्बल एक किलोमीटर घसरत खाली आली. त्याच वेळी आलेल्या प्रचंड पुराच्या पाण्याने ओढ्याने दिशा बदलत थेट भातशेतीत प्रवेश केला आणि सुमारे ५० एकरांवरील भातपिकाचा अक्षरशः चिखल केला. सुदैवाने हा माती-दगडांचा महाप्रवाह गांगडवाडीच्या उंबरठ्यावर थांबल्याने २५ आदिवासी कुटुंबे थोडक्यात बचावली; तसेच माळीण दुर्घटनेची पुनरावृत्ती टळली.
