खंडणीसाठी विवाहितेचे अपहरण, केली ५ लाखांची मागणी

Ahmednagar Crime
Ahmednagar Crimekidnapping of a married woman for ransom at rahuri crime news

राहुरी (जि. अहमदनगर) : तालुक्यातील एका विवाहितेचे बंदुकीचा धाक दाखवून अपहरण करण्यात आले. शरीरसंबंध ठेवण्याची मागणी करीत आरोपीने पाच लाखांची खंडणी मागितली. यापैकी तीन लाखांची वसुली केली. याप्रकरणी पीडितेने श्रीरामपूर पोलिस ठाण्यात फिर्याद दिली. गुन्हा राहुरी पोलिस ठाण्यात वर्ग करण्यात आला असून, एकाविरुद्ध अपहरण, विनयभंग, जिवे मारण्याची धमकी दिल्याप्रकरणी गुन्हा नोंदविण्यात आला आहे.


सुनील लक्ष्मण लोखंडे (रा. शिवानंद गार्डन हाउसिंग सोसायटी, वानवडी, पुणे) असे आरोपीचे नाव आहे. लोखंडे याने राहुरी परिसरात गुरुवारी (ता. ३०) सायंकाळी सव्वासात वाजता, घरी जात असलेल्या महिलेचे वाहन अडविले. बंदुकीचा धाक दाखवून तिचे अपहरण केले, तसेच शरीरसंबंध ठेवण्याची मागणी केली. ही बाब कोणास सांगितल्यास सोशल मीडियावर बदनामी करण्याची व कुटुंबासह तिला जिवे मारण्याची धमकी दिली. पीडितेस पाच लाखांची खंडणीही मागितली. तीन लाख रुपये पीडितेकडून घेतले.


सुटका करून घेतल्यानंतर पीडित महिलेने श्रीरामपूर पोलिस ठाण्यात फिर्याद दिली. श्रीरामपूर पोलिसांनी गुन्हा दाखल केला. आज (शुक्रवारी) राहुरी पोलिस ठाण्यात तो वर्ग करण्यात आला. पोलिस निरीक्षक राजेंद्र इंगळे तपास करीत आहेत.

Ahmednagar Crime
मुलीवरील अत्याचाराचा खटला ‘फास्ट ट्रॅक’मध्ये चालवा : रुपाली चाकणकर

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com