अरे बापरे ! अहो तो बिबट्या नाही पट्टेरी वाघच

अकोले (अहमदनगर) : नगर नाशिक सरहद्दीवर बिबट्या नव्हे तर चक्क पटेरी वाघ दिसल्याचे प्रत्यक्ष दर्शनी पाहिल्याचे स्थानिक नागरिक व प्रवासी सांगत आहे. तर सोशल मीडियावर देखील या वाघाची जोरदार चर्चा सुरू असून वनविभागास त्या वाघाचा तपास करावा लागेल. अद्याप वाघ आमच्या निदर्शनास आले नसल्याचे त्यांनी सांगितले आहे. 

हे ही वाचा : श्रीरामपूर पालिकेत आज विशेष सभेचे आयोजन

तालुक्यात नगर पुणे, नगर ठाणे, नगर नाशिक या सरहद्दीवर पट्टेरी वाघ दिसल्याचे अनेकजण सांगतात. त्यापैकी कुमशेत सरपंच सयाजी अस्वले, निसर्ग प्रेमी रमाकांत डेरे, बायफचे विभागीय व्यवस्थापक जितीन साठे, विजय चौधरी, सोमनाथ देशमुख, गौरव कवडे, वासली येथील श्रीरंग दामसे, इंदोरे येथील वस्तीवर राहणारे शेतकरी म्हणता की, तालुक्यात बिबट्या नव्हे तर वाघ दिसला आहे. त्यामुळे चंद्रपूरसारखे हरिश्चंद्र कळसूबाई शिखराच्या जंगलात म्हणजेच अभयारण्यात वाघ दिसला असल्याचा बोलबाला आहे. व ज्यांनी पट्टेरी वाघ पाहिला आहे तेही ठामपणे सांगतात. 

हे ही वाचा : सोनईच्या मुळा कारखान्यात बुधवारी ८०५० मेट्रीक टन ऊसाचे विक्रमी गाळप

याबाबत वनविभागाचे डी.डी.पडवळ, अमोल आडे, जी.आर. गोंदके यांच्याशी संपर्क केला असता वाघ नसल्याचे सांगितले. मात्र, वनविभागाने ट्रॅप क्यामेरे, पाऊल ठसे, विष्ट, याचे सर्वेक्षण करणे आवश्यक आहे परंतु ते होताना दिसत नाही. अनेक जण वाघ पाहिल्याचे सांगत आहेत. देवठाण, पाडाळने, कुमशेत, बारी घाट वास्ली, महीस वळण घाट, ठाण गाव, सिन्नर अशा वेगवेगळ्या ठिकाणी वाघ दिसल्याची चर्चा तर आहेच. परंतु प्रत्यक्ष दर्शनी पाहणारे डोळे आहेत. याबाबत वनविभाग गप्प का? आपली जबाबदारी झटकता की काय असा प्रश्न वन्य प्रेमींना पडला आहे. हा वाघ एका रात्रीत १०० ते १५० चौ. कि. प्रवास करतो असे वन्य अभ्यासक दातीर यांनी सांगितले. 

संपादन - सुस्मिता वडतिले