Big Relief for Ahilyanagar Residents as Gas Pipeline Gets Green Signal
sakal
अहिल्यानगर: नगरकरांची अनेक वर्षांची पाइपलाइनद्वारे घरगुती गॅस पुरवठ्याची प्रतीक्षा आता संपणार आहे. महापालिका आणि गॅस पाइपलाइनचे काम करणारी कंपनी यांच्यात खोदाईच्या दरावरून मतभेद सुरू झाले होते. त्यामुळे पहिल्या टप्प्यातील सुरू झालेले हे काम ठप्प झाले होते. दरम्यान, युद्धाच्या पार्श्वभूमीवर शासनाने गॅस पाइपलाइनचे काम तत्काळ सुरू करण्याचे निर्देश स्थानिक स्वराज्य संस्था व संबंधित कंपन्यांना दिले आहेत. त्यामुळे नगर शहरातील गॅस पाइपलाइनचा मार्ग मोकळा झाला आहे.