अहिल्यानगर : राज्यभर प्रसिद्ध असलेली अहिल्यानगरची मोहरम मिरवणूक आज शांततेत व उत्साहात पार पडली. शनिवारी (ता. ५) मध्यरात्री काढण्यात आलेली कत्तलची रात्र मिरवणूक रविवारी (ता. ६) सकाळी साडेदहा पर्यंत चालली. त्यानंतर दुपारी मोहरम विसर्जन मिरवणुकीस प्रारंभ झाला. ही मिरवणूकही सुमारे नऊ तास चालली. सर्व धर्मियांच्या उपस्थितीत ही मिरवणूक शांततेत व उत्साहात पार पडली. रात्री नऊच्या सुमारास मिरवणूक दिल्लीगेटच्या बाहेर पडली.