फक्राबादचा बेपत्ता मुलगा सापडला विहिरीत, सोशल मीडियात तर्क-वितर्क

जामखेड : तालुक्‍यातील फक्राबाद येथून शुक्रवारपासून बेपत्ता असलेल्या संग्राम संतोष भोसले (वय 6) याचा मृतदेह त्यांच्याच घराजवळील विहिरीत आज आढळून आला.

फक्राबाद येथील संतोष भोसले यांचा सहा वर्षांचा मुलगा संग्राम शुक्रवारपासून बेपत्ता झाला होता. याबाबत सोशल मीडियावरही त्याचा फोटो व्हायरल झाला होता.

हेही वाचा - विखे पाटील म्हणाले, थोडं थांबा तुमचा बंदोबस्तच करतो, संगमनेरात चर्चेला उधाण

पोलिस पाटील योगीनाथ जायभाय यांनी पोलिस निरीक्षक संभाजी गायकवाड व तहसीलदार विशाल नाईकवाडे यांना माहिती दिली. सर्वत्र शोध सुरू असताना, आज सकाळी घराजवळील कठडे नसलेल्या विहिरीत रज्जाक शेख यांना लहान मुलाच्या चपला पाण्यावर तरंगताना दिसल्या. त्यांनी ग्रामस्थांना माहिती दिली. त्यानंतर दोन वीजपंपाच्या साहाय्याने विहिरीतील पाणी उपसण्यात आले. त्यानंतर दोरीच्या साहाय्याने संग्रामचा मृतदेह बाहेर काढण्यात आला. 

या बाबत तर्कवितर्क व्यक्त होत असले, तरी खेळताना तोल जाऊन तो विहिरीत पडला असावा, असा अंदाज आहे. अहमदनगर