आमदार मोनिका राजळे यांचाही आला कोरोना चाचणीचा अहवाल

पाथर्डी : भारतीय जनात पक्षाच्या आमदार मोनिका राजळे ह्या कोरोना बाधित महिला रुग्णाच्या संपर्कात आल्याने त्यांनी होम क्वारंटाइन होण्याचा निर्णय घेतला आहे.

शनिवारी रात्री जिल्हा शासकीय रुग्णालयात राजळे यांच्या घशातील स्त्रावाची तपासणी करण्यात आला आहे. त्यांचा अहवाल निगेटीव्ह आला आहे. तरीही राजळे यांनी नगर येथील घरीच कोरोनटाईन होवुन जनसंपर्क टाळला आहे.

हेही वाचा - लॉकडाउनबाबत मंत्री थोरात यांचे मोठे वक्तव्य

आमदार मोनिका राजळे या त्यांच्या जवळच्या नातलग असणाऱ्या महिलेच्या संपर्कात आल्या होत्या. नातलग असणा-या महिला ह्या कोरोना बाधित असल्याचा अहवाल आला आहे. त्यानंतर राजळे यांनीही शनिवारी सिव्हिल रुग्णालयात तपासणी करून घेतली. तिचा अहवाल निगेटीव्ह आला. तरीही आपल्यामुळे इतरांना कोणाला त्रास नको. यासाठी राजळे ह्या रविवारपासून नगरच्या घरी कोरोनटाईन झाल्या आहेत.

कार्यकर्त्यांनी त्यांना प्रत्यक्ष भेटू नये. क्वारंटाइन असानाही राजळे तालुक्यातील कोरोनाच्या परिस्थितीवर लक्ष ठेवून आहेत. अधिका-यांना भ्रमणध्वनीवरुन सूचना देत आहेत.

कोरोनाच्या पार्श्वभुमीवर नागरीकांनी घरात राहुन प्रशासनाला सहकार्य करावे. अधिकारी देतील त्या सुचनांचे पालन करावे. कोठेही गर्दी करू नये. आपला जीव महत्वाचा असल्याने काळजी घ्यावी.

- मोनिक राजळे, आमदार पाथर्डी-शेवगाव.

संपादन - अशोक निंबाळकर