पारनेर - सेवानिवृत्त शिक्षकांच्या विविध प्रश्नांबाबत अर्थ मंत्री निर्मला सीतारमण यांची खासदार नीलेश लंके यांनी भेट घेऊन त्या बाबत चर्चा केली. या वेळी लंके यांनी शिक्षकांच्या विविध प्रश्नांसंदर्भात मंत्री सीतारमण यांना निवेदनही सादर केले..खासदार लंके यांनी या निवेदनात नमूद केले आहे की, सेवानिवृत्त शिक्षक हे देशाच्या भविष्यास आकार देणारे आधारस्तंभ आहेत. त्यांनी दीर्घकाळ निस्वार्थपणे कार्य करून पिढयानपिढया घडवल्या. मात्र निवृत्तीनंतर त्यांना अनेक अडचणींना सामोरे जावे लागते. त्यांच्या जगण्याच्या दर्जात सुधारणा करण्यासाठी काही तातडीच्या मागण्या पूर्ण करणे आवश्यक असल्याचे आहे..निवेदनात लंके यांनी अंशराशीकरण कालावधी कमी करणे म्हणजेच हा कालवधी सध्या १५ वर्षांचा असून दि. ११ नोहेंबर २०२४ च्या आदेशानुसार तो ११ वर्षे ६ महिने इतका करण्यात यावा, ६५ वर्षे व त्यावरील वयाच्या राज्यातील सेवानिवृत्त शिक्षकांना पाच टक्के पेन्शन वाढ द्यावी, केंद्रीय निवृत्त कर्मचाऱ्यांप्रमाणे राज्यातील सेवानिवृत्त शिक्षकांना प्रतिमहिना एक हजार वैद्यकीय भत्ता देण्यात यावा, मर्यादित पेन्शनवर जगणाऱ्या शिक्षकांना आयकरातून सूट देण्यात यावी, केंद्र सरकारच्या निवृत्त कर्मचाऱ्यांप्रमाणे राज्यातील सेवानिवृत्त शिक्षकांनाही रेल्वे प्रवासात सवलत देण्यात यावी..खासदार लंके यांनी नमूद केले आहे की, या मागण्या मान्य झाल्यास सेवानिवृत्त शिक्षकांच्या जीवनमानात सुधारणा होईल या बाबत मंत्री सीतारमण यांच्याकडे याबाबत सकारात्मक निर्णय घेण्याची अपेक्षा व्यक्त केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
