Sonai News : ‘मुळा’च्या गळीत हंगामाला गती; इथेनॉल प्रकल्प सुरू

-विनायक दरंदले सोनई : मुळा साखर कारखान्याचा ऊस गळीत हंगाम सुरू झाल्यानंतर पाच ते सहा दिवसांतच रोज आठ हजार टन उसाचे गाळप सुरू झाले. मात्र, मध्येच अवकाळी पाऊस आल्याने दोन दिवस गाळपाच्या गतीला काहीसा ब्रेक लागला होता. आता पुन्हा वातावरण स्वच्छ झाल्याने कार्यक्षेत्रात ऊसतोड व वाहतुकीला गती देण्यात आली आहे..Incomplete painting dividers : सोलापुरातील दुभाजकांची डागडुजी अर्धवट.विधानसभा निवडणुकीच्या मतदान झाल्यानंतर सहकार विभागाने कारखान्यांना गळीत हंगामाची परवानगी दिली. यंदाच्या वर्षी समाधानकारक झालेला पाऊस व मुळा धरण भरल्याने कालव्यास जास्त दिवस ठेवण्यात आलेल्या आवर्तनामुळे कार्यक्षेत्रात उसाचे पीक जोमदार आहे. मागील हंगामात ऊसतोड मजूर कमी आल्याने गाळप यंत्रणेत अडचणी आल्या होत्या. शेतकऱ्यांना ऊस उशिरा गेल्याने मनस्ताप सहन करावा लागला होता..यावर्षी गळीत हंगाम सुरू होण्याच्या अगोदर माजी आमदार शंकरराव गडाख यांनी सूचना केल्यानंतर कारखान्याचे अध्यक्ष नानासाहेब तुवर, संचालक मंडळ, कार्यकारी संचालक शरद बेल्हेकर व शेतकी विभागाने हंगामाच्या निमित्ताने ऊसतोड मजूर, वाहतूक यंत्रणा तसेच ऊसतोडणीच्या यंत्राचे विशेष नियोजन करून प्रत्यक्ष गाळप सुरू केले होते. मागील आठवड्यात आठ हजार टनांहून अधिक गाळप होण्यास सुरुवात झाली होती. मात्र, दोन दिवस अवकाळी पाऊस झाल्याने काळवटीच्या रानात चिखल झाल्याने ऊसतोड थांबविण्यात आल्याने गाळप कमी झाले..मुळा कारखान्याचा इथेनॉल प्रकल्प पाच दिवसांपूर्वी सुरू करण्यात आला असून, मंगळवार (ता.१०) रोजी प्रत्यक्ष इथेनॉल तयार होऊन बाहेर पडेल, असे सांगण्यात आले आहे. रविवार (ता.८) रोजी सहा हजार ५५० मेट्रिक टनाचे गाळप होऊन चार हजार १५० साखर पोते बाहेर पडले आहेत. साखर उतारा ९.१२ निघाला आहे. एकूण ५४ हजार २० मेट्रिक टन उसाचे गाळप होऊन तेहतीस हजार २०० साखर पोते तयार झाले असून, साखर उतारा ८.५० इतका राहिला आहे. कार्यक्षेत्रातील नेवासे, चांदे, खरवंडी, घोडेगावसह इतर गटात ऊसतोड मजुरांची टोळी व वाहतूक यंत्रणा दिसत आहेत. कारखान्याकडे नोंदी दिल्याप्रमाणे शेतकऱ्यांना ऊसतोडबाबत कळविले जात आहे..Solapur railway station : रेल्वे स्थानकाचे पार्किंग मद्यपीचे आश्रयस्थान.कारखान्याचे मार्गदर्शक शंकरराव गडाख यांच्या सूचनेनंतर रोज नऊ हजार मेट्रिक टन उसाचे गाळप होईल, अशी यंत्रणा कार्यरत आहे. शेतकी विभाग अलर्ट ठेवण्यात आल्याने हंगाम सुरू झाल्यापासून गळीत व्यवस्थित सुरू आहे.- शरद बेल्हेकर, कार्यकारी संचालक, मुळा कारखाना.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.