नगर : महापालिकेतील घनकचरा व्यवस्थापन विभागप्रमुख व उपआरोग्य अधिकारी डॉ. नरसिंह सर्वोत्तमराव पैठणकर(वय 47) यांना तक्रादाराकडून अडीच लाख रुपयांची लाच स्वीकारताना लाचलुचपत प्रतिबंधक विभागाने रंगेहाथ पकडले. नाशिक येथील लाचलुचपतच्या प्रतिबंधक विभागाच्या पथकाने ही कारवाई केली.
अधिक माहिती अशी, की तक्रारदार यांचा महानगर पालिकामध्ये मृत जनावरांच्या दाहिनीचा प्रोजेक्ट आहे. त्या प्रोजेक्ट संदर्भात "एनइइआरआय' ने त्रुटी काढल्या आहेत.
ही सबब सांगून तक्रारदार यांचे राहिलेले बिल काढण्यासाठी डॉ. नरसिंह पैठणकर यांनी पाच लाच रुपयांची मागणी केली होती. तडजोडीअंती अडीच लाख रुपये देण्याचे ठरले.
गुरुवारी (ता. 11) रोजी डॉ. पैठणकर यांना तक्रारदार यांच्याकडून अडीच लाख रुपयांच्या लाचेची मागणी पंचाक्षम केली. ती लाचेची रक्कम बुधवारी (ता. 17) सावेडी कचरा डेपो येथे पंचासमक्ष स्वीकारताना रंगेहाथ पकडले. ही कारवाई नाशिक लाचलुचपत प्रतिबंधक विभागाच्या पोलिस निरीक्षक मृदूला एम नाईक यांच्या पथकाने केली.
निलंबनानंतर आले होते कामावर
डॉ. पैठणकर हे यापूर्वी तत्कालीन जिल्हाधिकारी तथा महापालिका आयुक्त राहुल द्विवेदी यांनी निलंबित केले होते. मात्र, तत्कालीन महापालिका आयुक्त श्रीकांत मायकलवार यांच्याकडे पदाची सूत्रे येताच त्यांना पुन्हा कामावर हजर करून घेतले होते. त्यानंतरही त्यांच्या कार्यपद्धतीमुळे स्थायी समितीच्या नुकत्याच झालेल्या सभेत ते टिकेचे केंद्र ठरले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
