श्रीरामपूर : काँग्रेस आयमधून प्रथम आमदार झालेले व त्यानंतर जनता दल, काँग्रेस, राष्ट्रवादी काँग्रेस, शिवसेना, बीआरएस, लोकसेवा विकास आघाडी असा आपला राजकीय प्रवास करणारे माजी आमदार भानुदास मुरकुटे व त्यांचे नातू नीरज यांच्यासह समर्थक सोबतच उद्धव ठाकरेंची मशालखाली ठेवत माजी उपनगराध्यक्ष संजय छल्लारे यांनीही आज पुन्हा धनुष्यबाण हाती घेतला. या पक्षप्रवेशांमुळे स्थानिक स्वराज्य संस्थांसाठी शिंदे सेनेला बळ मिळाले आहे.