शेतशिवारात उडताहेत तुषार सिंचनाचे फवारे; नेवाशात दोन वर्षात साडेचार हजार लाभार्थी

In Nevasa, many farmers have started irrigating their crops through sprinkler and drip irrigation.jpg
In Nevasa, many farmers have started irrigating their crops through sprinkler and drip irrigation.jpg

नेवासे (अहमदनगर) : पारंपरिक शेतीला फाटा देत तालुक्यातील शेतक-्यांनी आधुनिकतेची कास धरली आहे. त्यात अनेक शेतकऱ्यांनी तुषार व ठिबक सिंचनाद्वारे पिकांना पाणी देण्यास सुरुवात केली आहे. त्यामुळे पाण्याची बचत होऊन उत्पादन वाढीस मदत होताना दिसत आहे. तालुक्यात २०१८- २० या दोनवर्षात ४ हजार ४२८ शेतकऱ्यांनी तुषार व ठिबक सिंचन योजनेचा लाभ घेतला घेतला आहे.

नेवासे तालुक्यात तुषार व ठिबक योजनेचा २०१८-१९ मध्ये १ हजार २०३ लाभार्थी असून यातून ८२० हेक्टर क्षेत्र ओलिताखाली आले तर २०१९-२० मध्ये याच योजनेचे ३ हजार २२४ लाभार्थी असून यातून एकूण २ हजार २२० हेक्टर क्षेत्र ओलिताखाली येत आहे. तालुक्यासह सर्वत्रच यंदा चांगला पाऊस  झाल्याने जलस्त्रोतांची पाणी पातळी वाढली आहे. त्यामुळे बागायती क्षेत्रात वाढ झाली आहे. अनेक शेतक-्यांनी ऊस, भाजीपाला लागवडीबरोबरच इतर बागायती क्षेत्रात वाढ केली आहे. सध्या गहू, हरभरा, रबी ज्वारीसह ऊस आदी पिकांसह फळबागा जोमात आहेत. 

या पिकांना पाणी देण्यासाठी शेतकरी तुषार, ठिबक सिंचन पद्धतीचा वापर करत आहेत. विहिरी, बोअर, तलाव, धरणात मुबलक पाणी असल्याने व पाणीवरच असल्याने तुषार संचाला चांगला दाब मिळत आहे. त्यामुळे तालुक्यातील शेतशिवारात तुषारचे 'फवारे उडताना दिसत आहेत. तुषार सिंचन पद्धतीत पाण्याचा अपव्यय न होता पाण्याची बचत होते. शेत समपातळीत नसेल तरी पूर्ण पिकालापाणी देणे सुलभ होते.

शिवाय पिकावरील मावा व इतर रोग या तुषारच्या फवाऱ्याने कमी होण्यास मदत होते. त्यामुळे नेवासे तालुक्यातील अनेक शेतकरी गहू, हरभरा व रबी ज्वारीला तुषारने पाणी देत असल्याचे चित्र दिसून येत आहे.
 
नेवासे सूक्ष्म सिंचन दृष्टीक्षेपात

* वर्ष            लाभार्थी        ओलित क्षेत्र
* २०१८-१९     १२०३           ८२० हेक्टर
* २०१९-२०     ३२२४           २२२० हेक्टर.

शेतकऱ्यांना तुषार व ठिबकचा वापर करणे नेहमीच हितावह आहे. तुषारमुळे ४०-४५ टक्के तर ठिबकमुळे ६०-६५ टक्के पाण्याची बचत होण्याबरोबरच पिकाला जेवढे पाणी आवश्यक आहे, तेवढेच आपण देऊ शकतो. अधिकाधिक शेतकऱ्यांनी ठिबक, तुषार सिंचनाचा अवलंब करणे गरजेचे आहे.
-दत्तात्रेय डमाळे, तालुका कृषी अधिकारी, नेवासे
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com