Operation Sindoor hero Devendra Autade honored with Air Force Gallantry Medal; Maharashtra salutes his bravery.Sakal
अहिल्यानगर
Air Force Gallantry Medal:'पराक्रम हीच मराठी रक्ताची ओळख'; ‘ऑपरेशन सिंदूर’मधील पराक्रमाने देवेंद्र औताडे यांना वायुसेनेचे शौर्य पदक
Operation Sindoor gallantry award : राहाता तालुक्यातील गणेशनगर येथील जिल्हा परिषदेच्या प्राथमिक शाळेत शिक्षण घेऊन लढाऊ विमानाचा पायलट झालेल्या देवेंद्र बाबासाहेब औताडे यांना काल वायुसेनेचे शौर्य पदक जाहीर झाले. उच्च जोखमीच्या ‘ऑपरेशन सिंदूर’मध्ये त्यांनी दाखविलेल्या शौर्याची दखल घेऊन, त्यांना शौर्य पदक जाहीर झाले.
-सतीश वैजापूरकर
शिर्डी: माळेवाडीच्या मातीने मला जे बळ दिलं, आणि माझ्या शिक्षकांनी जे मूल्यं दिली, त्याचं चीज रणभूमीवर झालं. आज माझ्या छातीवर शौर्य पदक आहे...पण त्या मागे असंख्य अनाम वीरांचं बळ आहे, आणि एका मराठी सैनिकाचा साधा निर्धार आहे. काल शौर्यपदक जाहीर झाले अन् मला वाटले मराठी माणूस आणि पराक्रमाचे नाते जवळचे आहे. आपण निर्धार करतो, त्याचवेळी विजय मिळवतो, असा मराठ्यांचा इतिहास आहे, असे वायुसेनेचे शौर्य पदक विजेते देवेंद्र औताडे ‘सकाळ’शी बोलताना म्हणाले.