तबलिगीमुळे उडाली पारनेरकरांची झोप...काय खरं काय खोटं

पारनेर : पारनेर पोलिस ठाण्याच्या न्यायालयीन कोठडीत ठेवण्यात आलेल्या 26 परदेशी तबलिगींना कोरोनाची लागण झालेली नाही. त्यांचे अहवाल निगेटीव्ह आहेत. त्यांची न्यायालयाच्या आदेशाव्यतिरिक्त कोणतीही बडदास्त ठेवली जात नाही. स्थानिक नागरीकही त्यांच्या संपर्कात नसल्याचा खुलासा सहाययक पोलिस निरिक्षक राजेश गवळी यांनी केला.

हेही वाचा - ही गुड न्यूज आहे नगरकरांसाठी

या परदेशी नागरिकांना येथे आणल्यानंतर त्यांची विशेष बडदास्त ठेवण्यात येते. त्यांना कोरोना विषाणूची बाधा झाली आहे. स्थानिक नागरीक या आरोपींच्या संपर्कात आहेत. त्यांना फळे तसेच विविध प्रकारचे जेवण पुरविले जाते. अशा अफवा शहरात पसरल्या होत्या. या मुळे स्थानिक लोकांना कोरोनाचा प्रादुर्भाव होईल, अशा भीतीने अनेकांची झोप उडाली आहे.

त्या पार्श्‍वभूमीवर उपनगराध्यक्ष दत्तात्रय कुलट यांच्यासह नगरसेवक चंद्रकांत चेडे, अर्जुन भालेकर, नंदकुमार देशमुख, किसन गंधाडे, विशाल शिंदे यांनी गवळी यांची भेट घेतली. त्या वेळी त्यांनी वरील खुलासा केला.

आरोपींना नगर न्यायालयात नेण्यासाठी जवळचे ठिकाण म्हणून पारनेरची निवड केल्याचे गवळी यांनी सांगितले.
रमजानचे उपवास असल्याने त्यांना पहाटे व सायंकाळी जेवण दिले जाते. सामान्य आरोपींना जे जेवण दिले जाते त्यांची कोणत्याही प्रकारची वेगळी बडदास्त ठेवली जात नाही, असेही ते म्हणाले.

या परदेशी नागरीकांना येथे आणल्यानंतर त्यांची विशेष बडदास्त ठेवली आहे. त्यांना कोरोना विषाणूची बाधा झाली आहे. स्थानिक नागरीक या आरोपींच्या संपर्कात असून ते दररोज पहाटे तसेच दिवसभरात त्यांच्याशी संपर्क करतात. त्यांना फळे तसेच विविध प्रकारचे जेवण पुरविले जाते. अशा प्रकारच्या अफवा दोन दिवसांपासून शहरात पसरल्या होत्या.

परदेशी आरोपींच्या संपर्कात आलेल्या स्थानिक नागरकांमुळे शहरात कोरोनाचा प्रादुर्भाव होईल अशी भीतीही व्यक्त करण्यात येत होती. त्या पार्श्‍वभुमिवर या नगर सेवकांनी गवळी यांची भेट घेतली होती.