नगर : ""शहरातील कोतवाली पोलिस ठाण्याच्या हद्दीत नागरी वसाहती वाढल्याने पोलिसांचे संख्याबळ अपुरे पडत होते. त्यामुळे कोतवाली पोलिस ठाण्याचे विभाजन करून केडगाव पोलिस ठाण्याचा प्रस्ताव गृह विभागाकडे सादर केला होता.
गृह विभागाने तो मान्यतेसाठी वित्त विभागाकडे सादर केला आहे. लवकरच केडगाव पोलिस ठाण्याची निर्मिती होणार आहे,'' अशी माहिती आमदार संग्राम जगताप यांनी दिली.
प्रसिद्धिपत्रकात जगताप यांनी म्हटले आहे, की कोतवाली पोलिस ठाण्याच्या हद्दीत शहरातील मुख्य बाजारपेठेपासून केडगाव, बुरुडगाव रस्ता, सारसनगर रस्ता परिसर येतो. या भागात काही वर्षांपासून झपाट्याने नागरीकरण वाढत आहे.
कोतवाली पोलिस ठाण्यात अपुरे संख्याबळ आणि नागरी क्षेत्र वाढल्याने पोलिस कर्मचाऱ्यांना अनेक अडचणींना सामोरे जावे लागत आहे. मोठ्या प्रमाणात नागरी वसाहती उभ्या राहिल्यामुळे गेल्या काही वर्षांपासून केडगाव पोलिस ठाण्याची निर्मिती करण्याची मागणी होती.''
""मागील पावसाळी अधिवेशनात गृहमंत्र्यांचे त्याकडे लक्ष वेधले होते. कोतवाली पोलिस ठाण्याच्या विभाजनाचा प्रस्ताव सादर करण्याचे पोलिस अधीक्षकांना सुचविले होते. त्या अनुषंगाने गृह विभागाकडे तसा प्रस्ताव सादर करण्यात आला. त्याचा समावेश महाराष्ट्र पोलिस दलाच्या सुधारित आकृतिबंधात करण्यात आला.
प्रस्ताव पुढील मान्यतेसाठी वित्त विभागाकडे सादर करण्यात आला आहे. याबाबत उपमुख्यमंत्री अजित पवार यांना भेटून पत्र दिले आहे. त्यांनीही प्रस्तावाला मान्यता देण्याबाबत आश्‍वासित केले आहे,'' असे त्यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.