राहुरी कृषी विद्यापीठाचे कुलसचिव मोहन वाघ यांचे निलंबन रद्द

कुलगुरूंनी केली होती कारवाई
मोहन वाघ
मोहन वाघई सकाळ

राहुरी विद्यापीठ : महात्मा फुले कृषी विद्यापीठाचे कुलगुरू डॉ. प्रकाशकुमार पाटील यांनी गेल्या आठवड्यात कुलसचिव मोहन वाघ यांना कामात अनियमितता आढळल्याने तडकाफडकी निलंबित केले होते. त्यांचा पदभार विभागप्रमुख डॉ. महानंद माने यांच्याकडे दिला होता. यामुळे विद्यापीठ वर्तुळात खळबळ उडाली होती. (Rahuri Agricultural University registrar Mohan Wagh's suspension canceled)

मोहन वाघ
शोकांतिका! कुटुंबातील तिघांना कोरोनाने नेले, घर चोरांनी लुटले!

या निलंबनासंदर्भात कृषी खात्याच्या वरिष्ठ अधिकाऱ्यांनी आदेश वेगळा आदेश काढला आहे. महाराष्ट्र शासनाच्या कृषी, पशुसंवर्धन, दुग्ध व्यवसाय व मत्स्य व्यवसाय विभागाचे अवर सचिव अ. नि. साखरकर यांनी मोहन वाघ यांचे निलंबन रद्द केले.

मोहन वाघ यांनी कुलगुरु, महात्मा फुले कृषि विद्यापीठ, राहुरी यांचेकडे सादर केलेला खुलासा, महाराष्ट्र नागरी सेवा (शिस्त व अपिल) नियम, १९७९ मधील तरतुदींनुसार चौकशीअंती निर्णय घेणे उचित होईल. या संदर्भात महासंचालक, कृषि शिक्षण व संशोधन परिषद, पुणे यांनी आठ दिवसांत चौकशी करून स्वयंस्पष्ट अभिप्रायासह शासनास अहवाल सादर करावा, असे या शासन आदेशात म्हटले आहे.

ही चौकशी पूर्ण होईपर्यंत, महाराष्ट्र नागरी सेवा (शिस्त व अपिल) नियम १९७९ च्या नियम ४ (५) (क) अन्वये प्रदान करण्यात आलेल्या शक्तीचा वापर करून कुलगुरू, महात्मा फुले कृषी विद्यापीठ, राहुरी यांनी ३ मे रोजी पारीत केलेल्या मोहन वाघ यांच्या निलंबन आदेशास स्थगिती देण्यात येत आहे. या आदेशानुसार मोहन वाघ यांनी कुलसचिवपदाचा पदभार स्वीकारल्याचे समजते.(Rahuri Agricultural University registrar Mohan Wagh's suspension canceled)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com