राहुरी : "पंढरपूरच्या आषाढी यात्रेची पूजा कुणाच्या हस्ते घ्यायची, हे पंढरीचा पांडुरंगच ठरवितो. सर्वांनी निश्चिंत राहावे. पांडुरंग नेहमी योग्य माणसाला आषाढीच्या पूजेसाठी बोलावत असतो." असे सांगत खासदार डॉ. सुजय विखे-पाटील यांनी महाराष्ट्रात सत्तांतराचे संकेत दिले.
ताहाराबाद येथे आज (शनिवारी) संतकवी महिपती महाराज देवस्थान ट्रस्टच्या पंढरपूर पायी दिंडी प्रस्थान सोहळ्यापूर्वी पालखी पूजन खासदार डॉ. विखे-पाटील यांच्या हस्ते झाले. यावेळी ते बोलत होते. ट्रस्टचे अध्यक्ष राजेंद्र साबळे, उपाध्यक्ष अविनाश कांबळे, भाजपाचे ज्येष्ठ नेते आसाराम ढूस, सूरसिंग पवार, दिंडी प्रमुख नाना महाराज गागरे, सरपंच नारायण झावरे, चांगदेव किनकर, माजी सभापती भीमराज हारदे उपस्थित होते.
खासदार डॉ. विखे-पाटील म्हणाले, "कोरोनामुळे दोन वर्ष दिंडी सोहळा बंद होता. त्यामुळे यंदा मोठ्या संख्येने वारकरी दिंडीत जात आहेत. नगर-मनमाड व नगर-करमाळा रस्त्याचे काम सुरू असल्याने अडथळ्याचा रस्ता बनला आहे. केंद्र शासनाकडून तातडीने तेरा कोटींचा निधी मंजूर करून घेतला आहे. त्यातून, खोदलेल्या रस्त्यावर मुरुमीकरण करून, दिंडीतील वारकऱ्यांना पायी चालण्यासाठी रस्ता मार्ग सुकर होईल. वारकऱ्यांच्या अपघाताचे प्रमाण कमी होईल. तहाराबाद येथे पालखी मार्गासाठी २५ लाखांचा निधी दिला जाईल." असेही खासदार डॉ. विखे-पाटील यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
