Rajur Bus Station : राजूर बसस्थानकाला अतिक्रमणांचा विळखा; कारवाई फक्त कागदावर

शांताराम काळेअकोले : अकोले, राजूर, समशेरपूर, कोतूळ अशा चार व तालुक्यातील अनेक गावांना जोडणारे महत्त्वाचे ठिकाण असलेले अकोले बसस्थानक काही अंशी चकाचक झाले असून, एसटी बस अजूनही दुर्लक्षित आहे. तालुका निर्मितीकडे वाटचाल करणारे राजूर कोल्हार-घोटी मार्गावर असून, येथील बसस्थानक अतिक्रमणांच्या वेढ्यात अडकले आहे..सार्वजनिक बांधकाम विभाग, महसूल, भूमिअभिलेख आदींनी चार वेळा मोजणी करूनही यात जुजबी कारवाई वगळता फारसा फरक पडला नाही. बसस्थानकापासून कोल्हार-घोटी रस्त्यावरील टपऱ्या, दोन्ही बाजूला लावण्यात आलेल्या जीप, मोटारसायकलींमुळे राजूर बसस्थानकातून बस काढताना वाहक, चालकाला तारेवरची कसरत करावी लागते..बसस्थानकात खासगी वाहने उभी असल्याने बसला वळताना अनेक अडचणींना सामोरे जावे लागते. त्यात बस खराब असल्याने बस कुठेही बंद पडतात. महिला, वृद्ध प्रवाशांना मोठा त्रास होतो. अकोले बसस्थानकातून वेळेवर बस न सुटल्याने विद्यार्थ्यांना घरी पोहोचण्यास उशीर होतो. सकाळची शाळा असल्याने घरातून लवकर निघालेली मुले घरी दुपारी तीनला पोहोचतात. त्यामुळे दिवसभर उपाशीपोटी राहून जेवण दुपारी चारला करावे लागते, असे विद्यार्थिनी सुमन धिंदळे हिने सांगितले..Revelation Theft Crimes : चोरीचे सहा अन् फसवणुकीचा एक गुन्हा उघडकीस.अकोले, राजूर, कोतूळ, समशेरपूर येथे असणाऱ्या बसस्थानकातून दररोज अनेक प्रवासी प्रवास करत आहेत. मात्र, कोतूळ व समशेरपूर बसस्थानक छोटी असल्याने पाऊस आला, तर प्रवाशांना उभेही राहता येत नाही.तत्कालीन आमदार वैभव पिचड यांनी राजूर बसस्थानक सुसज्ज व सुशोभीकरण व्हावे, यासाठी प्रयत्न केले होते. यानंतर २०१४ ला तत्कालीन मुख्यमंत्री पृथ्वीराज चव्हाण यांनी राज्यातील १२ बसस्थानकांचे मॉडेल बसस्थानक म्हणून विकसित करण्याचा निर्णय घेतला होता. त्यात राजूर बसस्थानकाचे नाव होते..मात्र, या बसस्थानकाचे आजही भिजत घोंगडे पडले आहे. त्यानंतर सत्ता बदल झाल्याने याचाही फटका राजूर बसस्थानकाला बसला. तत्कालीन परिवहनमंत्री दिवाकर रावते यांना माजी मंत्री पिचड यांनी संपर्क साधून प्रयत्न केले होते.जिल्ह्याच्या प्राईम लोकेशनवर असलेले राजूर बसस्थानक इगतपुरी, जुन्नर, सिन्नर या तीन तालुक्ंयातील अनेक गावांना जोडणारे महत्त्वाचे स्थानक आहे. परिसरातील चाळीसहून अधिक गावांतून आठवडी बाजार व विविध कामानिमित्ताने या भागातील ८५ टक्के नागरिक स्थानकावर अवलंबून आहेत..राजूर येथून रोज ६७ एसटी बसच्या फेऱ्या होतात. नवीन गाड्या नाहीत. त्या अपुऱ्या आहेत. नवीन सरकार आल्यामुळे नवीन बस मिळतील ही अपेक्षा.- त्रिंबक कोकतरे, वाहतूक नियंत्रक, राजूर.कोविडपूर्वी अकोले डेपोला ६२ बस होत्या, आता ४९ बस असून, १२ नवीन बस येणार होत्या; मात्र आल्या नाहीत. अकोले आगरास २० चालक व २० वाहक अपूर्ण असून, ते तातडीने मिळावेत यासाठी वरिष्ठांकडे प्रस्ताव पाठविला आहेत.- सुरेश दराडे, आगार व्यवस्थापक, अकोले.Cotton consumed fire : आगीत ४०० क्विंटल कापूस खाक.अकोले आगारात बऱ्याच जुन्या बस असल्याने त्या रस्त्यात बंद पडतात. त्यामुळे प्रवाशांचे मोठे हाल होतात. प्रसंगी महिलांना रस्त्यावर बसून दोन-तीन तास बसची व बस दुरुस्तीची वाट पहावी लागते. राजूर बसस्थानक नव्याने दुरुस्ती किंवा इमारती होणे आवश्यक आहे.- किरण माळवे, प्रवासी संघटना, अकोले.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Rajur Bus Station : राजूर बसस्थानकाला अतिक्रमणांचा विळखा; कारवाई फक्त कागदावर

शांताराम काळे

Related Stories

हिलदेव घाटातील अपघात प्रकरणाला वेगळे वळण निष्काळजी वाहनचालकाविरोधात गुन्हा दाखल; एकाचा मृत्यू, दोघे जखमी

राजूरमध्ये कायमस्वरूपी बाजारतळाचा मार्ग मोकळा; ग्रामस्थांमध्ये आनंद