रयत सेवक विकास आघाडी निवडणूक लढणार

श्रीरामपूर (अहमदनगर) : रयत सेवक को-ऑपरेटिव्ह बॅंकेची आगामी निवडणूक लढवण्याचा निर्णय रयत सेवक विकास आघाडीने घेतला आहे. आघाडीच्या प्रमुख पदाधिकाऱ्यांचा येथे नुकताच एक मेळावा पार पडला. यावेळी महाराष्ट्र राज्य माध्यमिक शिक्षक संघटनेचे उपाध्यक्ष चांगदेव कडू, विठ्ठल बोरुडे, वाय. जी. वाबळे, संघटनेचे अध्यक्ष बाबासाहेब गांगर्डे, उपाध्यक्ष शाहूराव औटी, सचिव जयवंत ठाकरे, सहसचिव कैलास खैरनार, खजिनदार, सुनील बनकर उपस्थित होते. 

अहमदनगरच्या बातम्यांसाठी येथे क्लिक करा

जून 2020 मध्ये रयत बॅंकेच्या संचालक मंडळाची मुदत संपली होती. परंतु कोरोनामुळे निवडणुकीला स्थगिती दिली होती. त्यामुळे संचालक मंडळालाही मुदतवाढ मिळाली. आता राज्य सरकारने सहकारी संस्थांच्या निवडणुकीवरील स्थगिती उठवल्यामुळे लवकरच निवडणूक कार्यक्रम जाहीर होण्याची शक्यता वर्तविली जात आहे. त्यामुळे रयत सेवक विकास आघाडी प्रथमच निवडणुकीच्या मैदानात उतरणार आहे. यापूर्वी दोन वेळा बॅंकेची निवडणूक बिनविरोध झाली होती. मात्र यावेळी सभासदांच्या हितासाठी संघटना पूर्ण ताकदीने निवडणूक लढविणार असल्याचे पदाधिकाऱ्यांनी बैठकीत सांगितले. समायोजित शिक्षकांना बॅंकेचे सभासदत्व देणे. सभासदांना त्यांच्या हक्काचा लाभांश मिळवून देणे, सभासदांच्या पाल्यांसाठी माफक दरात शैक्षणिक कर्ज योजना राबविणे असे अनेक निर्णय मेळ्यात सर्वानुमते घेण्यात आले.

ताज्या बातम्यांसाठी डाऊनलोड करा ई-सकाळचे ऍप 

यावेळी पारनेर येथील पदाधिकारी संजय चव्हाण यांना संघटनेच्या वतीने श्रद्धांजली अर्पण करण्यात आली. बैठकीला मुख्याध्यापक रमेश वेताळ, दिलीप बनकर, पी. बी. सोनुने, आर. ए. गायधने, यु. ए. कुताळ, व्ही. एस. बारस्कर, राजेंद्र गायकवाड, आर. ए. गायधने, डी. एस. मुरूमकर, कैलास खैरनार उपस्थित होते. नगर, नाशिक, बीड, कोकण, पुणे जिल्ह्यातील पदाधिकाऱ्यांनी मेळाव्याला हजेरी लावली.