Sambhaji Nagar: ऑनलाइन गेमिंग बेतलं जीवावर; खेळात पैसे हरल्याच्या तणावातून तरुणाची आत्महत्या

Sambhaji Nagar
Sambhaji Nagaresakal

छत्रपती संभाजीनगर: तरुणाला ऑनलाइन गेमिंगचे व्यसन लागले अन् त्यामध्ये ५० हजार रुपये हरला. या तणावातून तरुणाने चक्क हर्सूल तलाव गाठत उडी घेऊन आत्महत्या केली. हा प्रकार शुक्रवारी (ता.५) दुपारी उघडकीस आली. गौरव चंद्रकांत पवार (२३ रा. पवननगर, टीव्ही सेंटर) असे आत्महत्या केलेल्या तरुणाचे नाव आहे, अशी माहिती पोलिस, नातेवाइकांनी दिली.

Sambhaji Nagar
Praniti Shinde : बेळगावात आमदार प्रणिती शिंदे यांची सभा उधळली; कारण आलं समोर

नातेवाईकांकडून मिळालेल्या माहितीनुसार गौरव याचे मेकॅनिकल डिप्लोमापर्यंत शिक्षण झालेले आहे. त्याला मागील काही दिवसांपासून ऑनलाइन गेम खेळण्याचे व्यसन लागलेले होते. यात तो ५० हजार रुपये हरला होता.

दरम्यान ही बाब नातेवाइकांना माहिती झाल्यानंतर त्याची अवस्था पाहून त्याला ४० हजार रुपये दिले होते, तरीही तो तणावात होता. दरम्यान त्याने शुक्रवारी कुटुंबीयांसोबत जेवण केले आणि दुपारच्या सुमारास त्याने हर्सूल तलाव गाठला.

Sambhaji Nagar
रोजगार हमीत भोंगळ कारभार; यंत्राने कामे करून कागदोपत्री मजुरांनी केली दाखविल्याचा प्रकार

काहीवेळ तो काठावर बसलेला होता. अचानक त्याने तलावात उडी घेतली. ही बाब तेथील सुरक्षारक्षकाच्या निदर्शनास आली असता, त्यांनी तत्काळ हर्सूल पोलिसांना माहिती दिली. पोलिसांनी धाव घेत गौरवला बाहेर काढून घाटीत दाखल केले असता, वैद्यकीय अधिकाऱ्यांनी त्याला तपासून मृत घोषित केले.

याप्रकरणी हर्सूल पोलिस ठाण्यामध्ये आकस्मित मृत्यूची नोंद करण्यात आली असून पुढील तपास सहायक फौजदार एस. आर. वाघ करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com