Sand Extraction Dispute Leads to Stone Pelting Incident in Rural Rampur
sakal
श्रीरामपूर: रामपूर येथे सरकारी टेंडर झालेल्या जागेतून वाळू वाहतुकीसाठी रस्ता तयार करणाऱ्या ठेकेदाराच्या समर्थकांनी स्थानिक महिलांवर दगडफेक केल्याची घटना आज (ता.१९) घडली. वाळू उपशाला विरोध करण्यासाठी गोदावरी पात्राकडे धावून गेलेल्या ६० ते ७० महिलांवर हल्ला झाला. ग्रामस्थांनीही दगडफेक केल्याचे ठेकेदाराचे म्हणणे आहे. यात कोणी गंभीर जखमी झाले नाही. श्रीरामपूर तालुका पोलिस ठाण्याचे निरीक्षक अरुण धनवडे यांच्या पथकाने तातडीने घटनास्थळी धाव घेतल्याने पुढील अनुचित प्रकार टळला.
