Radhakrishna Vikhe Patil addressing media after suspending four Sai Sansthan employees; call records of Bhupendra Patil and others to be scrutinized.Sakal
अहिल्यानगर
Ahilyanagar News: साई संस्थानचे चार कर्मचारी निलंबित: राधाकृष्ण विखे पाटील; भूपेंद्र पाटील, दलालांचे कॉल रेकॉर्ड तपासणार
Four Sai Sansthan Employees Suspended: घोटाळ्यातील मुख्य आरोपी भूपेंद्र पाटील आणि दलालांचे गेल्या वर्षभरातील कॉल रेकॉर्ड पोलिस तपासणार आहेत. या बाबतच्या तक्रारी दाखल करण्यासाठी स्थानिकांना अहिल्यानगरला जाण्याची गरज नाही.
शिर्डी : शिर्डीतला ग्रो मोअर कंपनीचा घोटाळा साडेतीनशे कोटी रुपयांचा आहे. फसविलेल्या गुंतवणूकदारांचे पैसे परत मिळावेत यासाठी आपला प्रयत्न आहे. शिर्डीसह अन्य काही जिल्ह्यातील तीन ते चार हजार गुंतवणूकदारांचे पैसे त्यात असल्याचे प्राथमिक तपासात निष्पन्न झाले. व्याप्ती आणखी मोठी होण्याची शक्यता आहे. त्याचे दलाल म्हणून कार्यरत असलेले साईसंस्थानचे चार कर्मचारी निलंबित करण्यात आले.