-विनायक दरंदले
सोनई : विधानभवनात मुख्यमंत्री देवेंद्र फडणवीस यांनी शनैश्वर देवस्थान ट्रस्टमधील विश्वस्तांच्या कार्यपद्धतीवर बोट ठेवल्यानंतर शनैश्वर देवस्थानच्या विद्यमान विश्वस्त मंडळाने चार वर्ष व सात महिन्याच्या काळात भक्तांकरिता असलेल्या सुविधांकडे जाणीवपूर्वक केलेले दुर्लक्ष आता चर्चेत आले आहे. मंदिर परिसरात उभे राहिलेला पानसतीर्थ प्रकल्प वगळता रुग्णालय, विद्यालय, भक्तनिवास व वाहनतळाच्या माध्यमातून भाविकांना होणारा त्रास व अन्य मूलभूत सुविधांकडे दुर्लक्ष केल्याची उघड चर्चा होताना दिसत आहे.