Police investigate a violent clash between two groups that led to stone pelting and a car fire in Shrirampur.
esakal
श्रीरामपूर, : दिवाळीचे फटाके फोडून घरी परतणाऱ्या तरुणांच्या दोन गटांत झालेल्या वादाचे पर्यवसान मध्यरात्री हिंसक राड्यात झाले. गोंधवणी रोडवरील दत्तमंदिर परिसरात झालेल्या या घटनेत दोन्ही बाजूंनी दगडफेक व लाकडी दांड्यांनी मारहाण करण्यात आली. एका चारचाकी कारची तोडफोड करून ती पेटवून देण्यात आली. या घटनेमुळे परिसरात दहशतीचे वातावरण निर्माण झाले. याप्रकरणी शहर पोलिसांनी परस्परविरोधी दोन गुन्हे दाखल करून आठ आरोपींना अटक केली.
