शेवगाव (अहमदनगर) : घरगुती कारणातून झालेल्या वादातून जन्मदात्या बापाने आपल्या तरुण मुलाचा जीव घेतला. दारू पिऊन रागाच्या भरात लोखंडी गजाने केलेली मारहाण मुलाच्या जिवावर बेतली. आखेगाव (ता. शेवगाव) येथे मंगळवारी पहाटे ही हृदयद्रावक घटना घडली आहे.
चांदबीबी महाल परिसरात पुन्हा आढळला बिबट्या; गावांमध्ये भीतीचे वातावरण
सोमनाथ गोरख करपे (वय 18) असे मृताचे नाव आहे. गोरख किसन करपे आरोपी पित्याचे नाव असून, मुलाची आई ताराबाई यांनी याबाबत फिर्याद दिली. तिथे म्हटले आहे, की पतीला दारूचे व्यसन असल्याने तो घरी येऊन आम्हाला नेहमीच शिवीगाळ व मारहाण करत असे. त्यातून कायम किरकोळ वाद होतात. सोमवारी सायंकाळी शेतातून काम करून घरी आले तेव्हा पती व मुलगा घरीच होते. पती दारू पिऊन आला. 'तुम्ही सणासुदीच्या दिवशी दारू पिऊन का आलात,' असे विचारले असता ते मारण्यासाठी पुढे आले.
मात्र, मुलगामध्ये पडला. त्याचा राग मनात धरून मंगळवारी पहाटे मुलगा सोमनाथच्या डोक्‍यात लोखंडी गजाने मारहाण केली. त्याचा ओरडल्याचा आवाज आल्याने तिकडे पळत गेले. तेथे पती गोरख हातातील लोखंडी गजाने सोमनाथच्या डोक्‍यावर मारत होता. गंभीर जखमी झाल्याने मुलगा काहीच बोलत नव्हता. मला पाहताच पती गोरख तिथून निघून गेला. दरम्यान, शेजारच्यांनी सोमनाथला मोटारीतून शेवगाव येथे खासगी रुग्णालयात नेले. मात्र, तो गंभीर जखमी असल्याने त्यास नगरला हलविण्यात आले. तेथे उपचारादरम्यान त्याचे निधन झाले. सहायक पोलिस निरीक्षक सुजित ठाकरे तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.