नगर ः सावेडीतील तपोवन रस्त्याचे काम मुख्यमंत्री ग्रामसडक योजनेतून होत आहे. सार्वजनिक बांधकाम विभागाने मे महिन्यातच उरकले होते. तथापि, पहिल्याच पावसात त्याची वाट लागली. त्यामुळे आमदार संग्राम जगताप व महापालिकेतील विरोधी पक्षनेते संपत बारस्कर यांनी आंदोलने केली. त्यानंतर आता हा रस्ता नव्याने केला जात आहे.
तपोवन रस्त्याचे काम पुन्हा करण्यासाठी बांधकाम विभागाने पाहणी केली. बांधकाम अधिकाऱ्यांनी चूक मान्य करीत, नव्याने रस्ता करण्याचे आश्‍वासन दिले. पूर्वीचा तपोवन रस्ता उखडून खडी टाकली जात आहे. त्यावर कच व डांबरीकरण केले जात आहे.
या कामाची नियमित पाहणी संपत बारस्कर, बांधकाम विभागाचे उपअभियंता दशरथ चौरे, कनिष्ठ अभियंता हंसराज रणधीर करीत आहेत. बांधकाम विभागाला दोन वेळा रस्ता करण्याचा खर्च कोणामुळे करावा लागला, याची चौकशी होणे आवश्‍यक आहे.
आमदार संग्राम जगताप यांच्या पुढाकारातून मुख्यमंत्री ग्रामसडक योजनेतून हे काम होत आहे. पाइपलाइन रस्त्याला समांतर असणारा हा रस्ता सावेडीत महत्त्वाचा ठरणार आहे. त्यामुळे या रस्त्याचे काम चांगले होणे आवश्‍यक आहे.
- संपत बारस्कर, विरोधी पक्षनेते, महापालिका, अहमदनगर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.