राहुरी (अहमदनगर) : दवणगाव येथे शेतात मशागत करताना ट्रॅक्टरचालक शेतकऱ्यास भरदिवसा बिबट्याचे दर्शन घडले. या बहाद्दर शेतकऱ्याने त्याच्या सहवासातच नांगरणी केली. तब्बल दीड एकर नांगरणी होईपर्यंत बिबट्या ट्रॅक्टरभोवती भक्ष्याच्या शोधार्थ फिरत राहिला. ट्रॅक्टरवरून शेतकऱ्याने मोबाईलवर "सेल्फी' घेतला. व्हिडिओ काढला. हे फोटो व व्हिडिओ सोशल मीडियावर मोठ्या प्रमाणात व्हायरल झाले आहेत.
वैभव कासार (रा. दवणगाव, ता. राहुरी) असे या धाडसी शेतकऱ्याचे नाव. ट्रॅक्टरद्वारे शेतात आज दुपारी नांगरणी सुरू असताना तेथे बिबट्या आला. मात्र, वैभव कासार यांनी नांगरणी सुरूच ठेवली. बिबट्या ट्रॅक्टरभोवती अनेक वेळा फिरला. शेजारच्या उसात जाऊन पुन्हा मोकळ्या शेतात तो येत होता. बिबट्याच्या डरकाळ्यांनी परिसर दुमदुमला. मात्र, न घाबरता वैभव यांनी मोबाईलमध्ये हा सर्व प्रकार कैद केला.
प्रवरा नदीकाठच्या आंबी, अंमळनेर, दवणगाव, केसापूर या गावांत बिबट्याची कायम दहशत आहे. बिबट्याचे वारंवार दर्शन घडत असल्याने काही शेतकऱ्यांनी भीतीपोटी कापसाची वेचणी थांबविली. बिबट्याला पकडण्यासाठी वन खात्याने पिंजरा लावावा, अशी मागणी होत आहे.
संपादन : अशोक मुरुमकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.