अहमदनगर : पुणे जिल्ह्यातील भीमा कोरेगाव येथे एक जानेवारी रोजी होणाऱ्या विजयस्तंभवरील कार्यक्रमानिमित्त पुणे रस्त्याने जाणारी वाहतूक अन्य मार्गाने वळविण्यात आली आहे. तसा आदेश पोलिस अधीक्षक मनोज पाटील यांनी काढला.
अहमदनगरच्या बातम्या वाचण्यासाठी येथे क्लिक करा
पुणे जिल्ह्यातील लोणीकंद पोलिस ठाण्याच्या हद्दतीतील पेरणे फाटा व भीमा कोरेगाव परिसरात एक जानेवारी रोजी होणाऱ्या विजयस्तंभावरील कार्यक्रमानिमित्त पुणे जिल्हा पोलिस अधीक्षकांच्या सुचनेनुसार जमावबंदी आदेश लागू करण्यात आला आहे. त्यामुळे नगर जिल्ह्यातून पुणे रस्त्याने जाणारी वाहतूक अन्य मार्गाने वळविण्यात आली आहे. हा आदेश 31 डिसेंबरच्या रात्री 12 वाजल्यापासून ते 2 जानेवारी 2021 रोजी सकाळी सहापर्यंत लागू राहणार आहे.
नगरवरून पुण्याकडे जाणारी वाहतूक अशी :
बेलवंडी फाटा-देवदैठण-ढवळगाव-पिंपरी कोलंदर- उक्कडगाव-बेलवंडी-नगर-दौंड महामार्गावरून लोणी व्यंकनाथ-मढेवडगाव-काष्टी-दौंड-सोलापूर-पुणे रस्त्याने पुणे.
केडगाव बाह्यवळण- अरणगाव बाह्यवळण- दौंड रस्तामार्गे कोळगाव-लोणी व्यंकनाथ-मढेवडगाव-काष्टी-दौंड-सोलापूर-पुणे मार्गे पुणे. दरम्यान, बेलवंडी फाटा येथून पुणेकडे जाणाऱ्या वाहनांना प्रवेश बंद करण्यात आहे.
संपादन - सुस्मिता वडतिले
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.