ऑइल, डिझेलचोर पकडले; टोळीचा पर्दाफाश

सिद्धटेक (अहमदनगर) : येथील नव्याने होऊ घातलेल्या विद्युत उपकेंद्रातील ऑइल, डिझेलची चोरी करणाऱ्या दोघांना पोलिस निरीक्षक चंद्रशेखर यादव यांनी मुद्देमालासह अटक केली. याबाबत अभियंता संतोष मुरदंडे (रा. दौंड) यांनी कर्जत पोलिसांत दिलेल्या तक्रारीवरून गुन्हा दाखल करण्यात आला. 

सावरगाव तळ येथे जंगलाला भीषण आग; 10 हेक्‍टर क्षेत्रावरील वनसंपदेचा ऱ्हास

अमोल जाधव (वय 21, रा. सिद्धटेक) व पप्पूकुमार साहू (वय 31), अशी अटक करण्यात आलेल्यांची नावे आहेत. आरोपींनी गुन्ह्याची कबुली दिली. दोन्ही आरोपींना पाच दिवस पोलिस कोठडीत ठेवण्यात आले आहे. त्यांनी चोरलेले 13 हजार 200 रुपयांचे 110 लिटर ऑइल पोलिसांनी जप्त केले. सिद्धटेक परिसरातील विद्युत उपकेंद्रामधून काही दिवसांपासून डिझेल, ऑइलची चोरी होत असल्याच्या तक्रारी पोलिसांकडे आल्या होत्या. पोलिसांनी तपास करून शोध घेतला. सहायक पोलिस निरीक्षक सोमनाथ दिवटे, पोलिस कर्मचारी मारुती काळे, सागर म्हेत्रे, भाऊसाहेब काळे, गणेश ठोंबरे, गणेश भागडे, संपत शिंदे यांनी ही कारवाई केली.