तब्बल 57 गावातील पाणी दुषीत 

नगर : जिल्ह्यातील चौदा तालुक्‍यांतील मे महिन्यात पाण्याचे 1536 नमुने तपासण्यात आले. त्यात 57 गावांतील 70 नमुने दूषित आढळून आले आहेत. एप्रिल महिन्याच्या तुलनेत मे महिन्यात पाणी नमुने दूषित होण्याचे प्रमाण वाढलेले आहे. 

जिल्हा परिषदेच्या आरोग्य विभागाकडून नियमितपणे पाणी नमुने तपासले जातात. ज्या गावातील पाणी दूषित आढळल्यास त्या ग्रामपंचायतींना सूचना दिल्या जातात. जिल्हा आरोग्य प्रयोगशाळा व भूजल विभागाकडून दर महिन्यात तपासल्या जाणाऱ्या दूषित पाण्याच्या नमुन्यांची संख्या वाढत आहे.

हेही वाचा ः लालटाकीवर झेडपी फुलविणार बाग

मे महिन्यात तपासण्यात आलेल्या 1563 पाणी नमुन्यांपैकी 70 नमुने दूषित आढळले. या महिन्यात दूषित पाण्याची टक्केवारी 4.48 गेली आहे. श्रीगोंद्यात तेरा गावांतील पंधरा पाण्याचे नमुने दूषित आढळून आले आहेत. त्याखालोखाल पाथर्डी तालुक्‍यातील दहा गावांतील दहा पाण्याचे नमुने दूषित आढळून आले आहेत. 

अवश्य वाचा ः परप्रांतीय, भाडेकरुंबाबत नगर तालुक्याने घेतलाय हा निर्णय 

जामखेड व पारनेर अहवालात निल 
जामखेड व पारनेर तालुक्‍यात एकही पाण्याचा नमुना दूषित आढळून आलेला नाही. जामखेडमधील 52, तर पारनेरमधील 98 पाणी नमुन्यांची तपासणी करण्यात आली. 

तालुकानिहाय तपासलेले नमुने कंसात दूषित नमुने 
नगर ः 108 (एक), अकोले ः 140 (पाच), कर्जत ः 128 (नऊ), कोपरगाव ः 144 (तीन), नेवासे ः 191 (दोन), पाथर्डी ः 138 (दहा), शेवगाव ः 93 (सहा), राहाता ः 61 (दोन), राहुरी ः 118 (दहा), संगमनेर ः 106 (तीन), श्रीगोंदे ः 130 (पंधरा), श्रीरामपूर ः 56 ः (चार).