सोनई: यंदा झालेल्या मुबलक पावसाने पाच महिन्यांपासून शेतक-यांवर शेतपीकासाठी मोटार सुरु करण्याची वेळ आलेली नाही. पाण्याने तुडूंब भरलेल्या विहिरी सध्या शोभेचीच वस्तू ठरत आहे.
अनेक वर्षानंतर तालुक्यात मान्सूनचा पाऊस धो..धो ला. परतीचा पाऊसही मोठ्या प्रमाणात झाला. परिसरातील ओढे-नाले आजही वाहते आहेत. जून महिन्यापासून शेतक-यांनी शेतपीकासाठी कुपनलिका अथवा विहिरीवरची विद्युत मोटार सुरु केलेली नाही. आजही अनेक शेतात वाफसा नसल्याचे चित्र आहे.
मागील काही वर्षाचा अनुभव लक्षात घेवून शेतक-यांनी पाणी साठवण म्हणून नवीन विहिर खोदल्या.काही शेतक-यांनी जुन्या पडक्या विहिरी दुरुस्त करुन घेतल्या होत्या. या वर्षी झालेल्या भरपूर पावसाने सर्वत्र पाणीच पाणी आहे. विहिरी पाण्याने
काठोकाठ भरलेल्या असल्या तरी ते पाणी शेताला देणे सध्या तरी गरजेचे नसल्याने ह्या विहिरी शोभेच्याच वस्तू ठरत आहेत.
अनेक वर्षांपासून पावसाचे प्रमाण कमी असल्याने पाण्याची पातळी खोलवर गेली होती. या वर्षी प्रथमच झालेल्या भरपुर पावसाने खरीप पीकाचे नुकसान झाले असले तरी पुढील पीकाला भविष्य चांगले आहे.
- बाबासाहेब ओहळ,शेतकरी, दत्तनगर, नेवासा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.