अहमदनगर : क्रेडिट कार्डच्या नावाने महिलेने घातला लाखाचा गंडा | Fraud | Sakal
sakal

बोलून बातमी शोधा

Money fraud

अहमदनगर : क्रेडिट कार्डच्या नावाने महिलेने घातला लाखाचा गंडा

अहमदनगर : क्रेडिट कार्डचे (Credit card) लिमिट वाढविण्यासाठी आलेल्या मोबाईल कॉलवर ओटीपीची (OTP) माहिती सांगितल्याने खात्यातून 99 हजार 274 रूपये गेल्याची घटना समोर आली आहे. याप्रकरणी येथील सायबर पोलिस ठाण्यात औदुंबर सुभाष राऊत (रा. बेलापूर ता. श्रीरामपूर) यांनी दिलेल्या फिर्यादीवरून आराध्या शर्मा नावाच्या महिलेविरूध्द गुन्हा दाखल करण्यात आला आहे.

ता. 27 डिसेंबर 2021 रोजी औदुंबर राऊत यांना त्यांच्या मोबाईलवर एक फोन आला. क्रेडिट कार्ड डिपार्टमेंटमधून आराध्या शर्मा बोलत आहे, तुमच्या क्रेडिट कार्डचे लिमिट वाढले असून व्हेरिफिकेशनसाठी कॉल ( verification call) केला असल्याचे राऊत यांना सांगितले. क्रेडिट कार्डचे लिमिट वाढणार असल्याने राऊत यांनी त्या कॉलला प्रतिसाद दिला. मोबाईलवर आलेल्या दोन ओटीपीची माहिती त्यांनी समोरून बोलणाऱ्या शर्मा नावाच्या महिलेला दिली. यानंतर काही वेळातच राऊत यांच्या खात्यातून 99 हजार 274 रूपये कट झाल्याचे त्यांना कळले. याप्रकरणी राऊत यांनी गुरूवार (ता. 13 ) सायबर पोलिस ठाण्यात फिर्याद दिली आहे. पोलिसांनी राऊत यांना आलेल्या मोबाईल कॉलवरून बोलणाऱ्या आराध्य शर्मा नावाच्या महिलेविरूध्द फसवणुकीचा गुन्हा दाखल करण्यात आला आहे.

हेही वाचा: संतापजनक! आरोग्य केंद्राने बाहेरचा रस्ता दाखवला; रस्त्यावरच झाली प्रसूती

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top