आंदोलन करताच राष्ट्रीय महामार्गाचे काम सुरू

पाथर्डी (अहमदनगर) : तालुक्‍यातून जाणाऱ्या कल्याण-विशाखापट्टण राष्ट्रीय महामार्गाचे बंद पडलेले काम सुरू करण्यासाठी आंदोलन करण्यात आले होते. त्याची दखल घेत महामार्ग विभातर्फे हे काम तातडीने सुरू करण्यात आले आहे.
 
मागील सहा महिन्यांपासून रस्त्याचे काम बंद होते. मंगळवारी (ता.23) दुपारी रस्त्याचे काम सुरू होत नाही, तोपर्यंत आम्ही महामार्गाच्या कार्यालयातून बाहेर पडणार नाही, असा पवित्रा नगरसेवक बंडू बोरुडे, देविदास खेडकर, चॉंद मणियार व सीताराम बोरुडे यांनी आंदोलन केले. त्याची दखल घेवून कामास प्रारंभ करण्यात आला. 

महापालिका क्षयरोग मुक्‍त शहर करणार : डॉ. बोरगे

दोन ठेकेदार बदलले आहेत. महामार्ग कार्यालयाचा कारभार प्रभारी अधिकाऱ्यांच्या हाती आहे. अनेक वर्षांपासून स्वतंत्र अधिकारी दिलेला नाही. लोकप्रतिधींनी केलेल्या घोषणा हवेत विरल्या. खासदार, आमदारांनीही फारसे गांभीर्याने रस्त्याच्या कामाकडे पाहिले नाही. विविध पक्षाच्या कार्यकर्त्यांनी अंदोलने केली. मात्र रस्त्याचे काम मार्गी लागले नव्हते. या आंदोलनानंतर काम पुन्हा सुरू झाल्याने नागरिकांनी समाधान व्यक्त केले. 

ठेकेदाराला शहरातील काम सुरू करण्याबाबत सूचना दिल्या आहेत. यंत्रसामग्री आलेली आहे. काम तातडीने पूर्ण करण्यात येईल. 
- दिलीप तरडे, प्रभारी उपविभागीय अधिकारी, राष्ट्रीय महामार्ग, पाथर्डी