अकोला जिल्ह्यात ९२ नवे पॉझिटिव्ह; ३५९ ॲक्टिव्ह रूग्ण

अकोला : जिल्ह्यात रविवारी (ता. ९) ९२ नवे कोरोना बाधित रुग्ण (Corona Update Akola) आढळले. त्यामुळे आता जिल्ह्यातील कोरोना बाधितांची संख्या ३५९ झाली आहे. यापैकी बहुतांश रुग्ण घरातच उपचार घेत आहेत. दरम्यान कोरोना बाधितांची वाढती संख्या पाहता नागरिकांनी काळजी घ्यावी, असे आवाहन प्रशासनाने केले आहे.

जिल्ह्यात रविवारी (ता. ९) आरटीपीसीआर कोरोना संसर्ग तपासणीचे(corona rtpcr test) ६५२ अहवाल प्राप्त झाले. त्यापैकी ५७५ अहवाल निगेटिव्ह आले तर ७७ अहवाल पॉझिटिव्ह आले. खासगी लॅबमध्ये एकाव्यक्तीचा अहवाल पॉझिटिव्ह आला. तर रॅपिडच्या चाचणीत १४ जणांचे अहवाल पॉझिटिव्ह आले. त्यामुळे जिल्ह्यात ९२ नव्या रुग्णांची भर पडली.

दरम्यान सध्या जिल्ह्यात ३५९ कोरोना बाधित उपचार घेत असून सदर रुग्णांपैकी बहुतांश रुग्ण घरातच उपचार घेत आहेत. दरम्यान आतापर्यंत जिल्ह्यात कोरोनाचे ५८ हजार २६३ रुग्ण आढळले आहेत. त्यापैकी ५६ हजार ७६२ रुग्णांना डिस्चार्ज देण्यात आला असून १ हजार १४२ रुग्णांचा कोरोनामुळे मृत्यू झाला आहे.