Akola City Bus
esakal
अकोला: शहरातील सार्वजनिक वाहतूक व्यवस्थेचा गेल्या अनेक वर्षांपासून रखडलेला सिटी बसचा प्रश्न मार्गी लागला आहे. महापालिकेच्या माध्यमातून सुरू होणाऱ्या ई-बस सेवेसाठी शहरातील आठ प्रमुख मार्ग निश्चित करण्यात आले असून, अकोल्यासाठी पीएम ई-बस योजनेतून ४२ बसेस मंजूर झाल्या आहेत. पहिल्या टप्प्यात ४२ बसेस उपलब्ध होणार असल्याने शहरासह लगतच्या ग्रामीण भागातील नागरिकांनाही सार्वजनिक वाहतुकीची सुविधा मिळणार आहे. महापालिकेच्या वर्धापनदिनी, १ आॅक्टोबरपासून ही सेवा सुरु करण्याचे काम प्रगतीपथावर आहे.
