बापाकडूनच मुलगी गरोदर, पळून गेल्याचा बनाव फसला

अकोट : नात्याला काळिमा फासणारी घटना नुकतीच अकोट शहरात उघडकीस आली आहे. सावत्र पित्याने अल्पवयीन मुलीचे सातत्याने लैंगिक शोषण केले. त्यामुळे मुलगी गरोदर राहिल्याचा गंभीर प्रकार समोर आला आहे. विशेष म्हणजे, मुलीचे अपहरण झाल्याची फिर्याद देणाऱ्या पित्यालाच आता अकोट शहर पोलिसांनी गजाआड केले आहे.(Akola Crime News Fathers Rape of a minor girl)

आपली १६ वर्षाची मुलगी घरी कोणालाही न सांगता निघून गेली. तिला अज्ञात व्यक्तीने पळविल्याचा आरोप करीत अकोल्यातील रहिवाशी अल्पवयीन मुलीच्या सावत्र बापाने अकोट येथील शहर पोलिस स्टेशनमध्ये तक्रार दिली. त्यानुसार, पोलिसांनी गुन्हा दाखल करून मुलीचा शोध सुरू केला. मुलीचा शोध सुरू असतानाच २० जानेवारी रोजी बेपत्ता मुलगी आपल्या आईसोबत पोलिस स्टेशनमध्ये हजर झाली. मुलीला सुरक्षित बघून पोलिसांना दिलासा मिळाला. मात्र, मुलगी व आईने घडलेल्या घटनेची आपबिती पोलिसांना सांगीतली. आणि पोलिसही धक्क झाले. अपहरणाची तक्रार देणाऱ्या सावत्र पित्याने मुलीला सात महिन्यांपूर्वी अमरावतीवरून अकोटला घरी आणले होते. (Akola Crime News)

या ठिकाणी तो सतत तिच्यावर बळजबरीने बलात्कार करत होता. एके दिवसी नराधाम बापाने अप्लवयीन मुलीला थंडपेयामधून दारू पाजून लैंगिक अत्याचार केला होता. त्यामुळे अल्पवयीन मुलगी गरोदर राहली. सावत्र बापाच्या अत्याचाराला कंटाळून पीडित मुलीने अकोट येथून पलायन केले. आईजवळ जाऊन पीडितेने तिच्यावर घडलेली सर्व हकिकत सांगीतली. यामुळे आई व मुलीने अकोट शहर पोलिस स्टेशनमध्ये येऊन नराधाम बापाविरुद्ध तक्रार दाखल केली. दरम्यान, पोलिसांनी आरोपी सावत्र पित्याविरुद्ध भादंवि कलम ३५४, ३७६, ५०४ सह पोक्सो कायद्यांतर्गत गुन्हा दाखल केला. आरोपी सावत्र पित्याला शहर पोलिसांनी अटक करून न्यायालयात हजर केले असात, न्यायालयाने आरोपीला २४ जानेवारीपर्यंत पोलिस कोठडीत ठेवण्याचे आदेश दिले.