अकोला : शहरातील ४८० झेंडे, ६२ फलक काढले

अकोला : महानगरपालिका हद्दीत विविध मार्गावर लावण्यात आलेले अनधिकृत फलक व झेंडे काढण्याची कारवाई अतिक्रमण निर्मुलन पथकाने केली. बुधवारी एकाच दिवशी शहरातील ४८० झेंडे व ६२ फलक पथकाने काढले.

विविध जाती, धर्माच्या उत्सवाच्या निमित्ताने शहरातील मुख्य रस्त्यांवर झेंडे लावले जातात. उत्सव संपल्यानंतरही ही झेंडे काढण्याची खबदारी कुणी घेत नाही. अलिकडे देशाच्या काही भागात झेंडे लावणे व काढण्यावरून दोन धर्मांमध्ये झालेले वाद बघता अकोला शहरातही ही स्थिती निर्माण होऊ नये म्हणून महानगरपालिका अतिक्रमण निर्मुलन पथकाने बुधवारी शहरभर झेंडे व अनधिकृत फलक काढण्याची मोहीम राहबिली.

यात शहरातील मुख्य रस्त्यावरील सुमारे ४८० झेंडे पथकाद्वारे काढण्यात आली. सोबतच वाहतुकीला अडथळा होईल, अशा पद्धतीने लावण्यात आलेले ६२ फलकही अतिक्रमण निर्मुलन पथकाने काढले.