Akola Civic Row: ‘पन्नास खोके’ घोषणांवरून अकोला महापालिकेत गोंधळ; महापौरांचा १६ विरोधी नगरसेवकांना तीन सभांसाठी निलंबनाचा निर्णय

श्रीकांत राऊत

अकोला : शहराच्या विकासाचा आराखडा निश्चित करणारी महानगरपालिकेची विशेष अर्थसंकल्पीय सभा सोमवारी गोंधळ, घोषणाबाजी आणि निलंबनाच्या कारवाईमुळे वादग्रस्त ठरली. सुमारे दीड हजार कोटी रुपयांच्या अर्थसंकल्पावर सखोल चर्चा अपेक्षित असताना सभागृहात राजकीय आरोप-प्रत्यारोप रंगले आणि विरोधी गटातील १६ नगरसेवकांना पुढील तीन सभांसाठी निलंबित करण्याचा आदेश महापौरांनी काढला. परिस्थिती नियंत्रणाबाहेर गेल्याने पोलिसांना पाचारण करावे लागले.