अकोला : प्रलंबित मागण्यांसाठी शुक्रवारी महापालिकेसमोर अकोला महानगर पालिका कर्मचारी व सेवा निवृत्त कर्मचारी संघर्ष समितीच्या वतीने धरणे आंदोलन करण्यात आले. या आंदोलनाची दखल न घेतल्यास ताला ठोको, जेल भरो व आत्मदहनाचा इशारा मनपा प्रशासनाला देण्यात आला आहे.
महापालिका कर्मचारी व सेवानिवृत्त कर्मचारी संघर्ष समितीच्या वतीने गेल्या दोन महिन्यापासून सतत सहाव्या वेतन आयोगाचे शिफारशीनुसार फरकाची रक्कम मिळावी, रजारोखीकरणाची रक्कम, अनुकंपतत्त्वावर नियुक्ती करणे व जलप्रदाय विभागातील कर्मचाऱ्यांची बेकायदेशीर पगारातून इंट्रिमेंटची रक्कम कपात करणे थांबवावे, कालबद्ध पदोन्नत्ती मिळावी आदी मागण्याबाबत अकोला महानगरपालिका कर्मचारी व सेवा निवृत्त कर्मचारी संघर्ष समितीच्या वतीने महापालिकेसमोर धरणे आंदोलन सुरू करण्यात आले आहे. रात्री उशिरापर्यंत कर्मचाऱ्यांची गेट मिटिंग सुरू होती.
(संपादन - विवेक मेतकर)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.