esakal | मुंबईहून आली पाहूणी; उडी घेण्यासाठी निवडली गावातली ८० फूट उंच पाण्याची टाकी
sakal

बोलून बातमी शोधा

Akola News: Guest from Mumbai; An 80 feet high water tank in the village chosen for the jump

बार्शिटाकळी तालुक्यातील गोरव्हा गावात मुंबईहून सकाळीच एक 27 वर्षाची महिला येते.... दुपारी गावातील ग्रामपंचायत जवळ असलेल्या अंदाजे 80 फुट ऊंच पाण्याच्या टाकीवर चढते...   काही केल्या महिला खाली उतरण्यास तयार नसते... साऱ्या गावात चर्चा सुरू..

मुंबईहून आली पाहूणी; उडी घेण्यासाठी निवडली गावातली ८० फूट उंच पाण्याची टाकी

sakal_logo
By
विवेक मेतकर

अकोला : बार्शिटाकळी तालुक्यातील गोरव्हा गावात मुंबईहून सकाळीच एक 27 वर्षाची महिला येते.... दुपारी गावातील ग्रामपंचायत जवळ असलेल्या अंदाजे 80 फुट ऊंच पाण्याच्या टाकीवर चढते...   काही केल्या महिला खाली उतरण्यास तयार नसते... साऱ्या गावात चर्चा सुरू...

तेवढ्यात पोलिस येतात...तेही प्रयत्न करून बघतात...पण, महिला काही ऐकायला तयार नसते. मग पोलिसच संत गाडगेबाबा आपत्कालीन शोध व बचवाव पथकाला पाचारण करतात.... पथकाचे प्रमुख जीवरक्षक दीपक सदाफळे तात्काळ रेस्क्यु ऑपरेशन राबवतात... 

डबल फुली वायर रोपच्या सहाय्याने पथकातील काही लोक पाण्याच्या टाकीवर चढतात. महिलेशी संवाद साधतात...समजवून सांगण्याचा प्रयत्न करतात....मात्र, महिला काहीही ऐकण्याच्या मनस्थितीत नसते.. कधीही उडी मारून आत्महत्याची शक्यताच जास्त...

परंतु जिवरक्षक दीपक सदाफळे  मोठया शिताफीने कसोशीने प्रयत्न करुन दुपारी दीड वाजता पाण्याच्या टाकीवर चढलेल्या महिलेला शेवटी सायंकाळी सहा वाजता  सुखरुप खाली आणतात...

 पुढील उपचारासाठी अकोला जिल्हा रुग्णालयात त्या महिलेला दाखल करण्यात आले. सद्या महीला सुखरुप आहे. 

यावेळी घटनास्थळी बार्शिटाकळी पोलिस ठाण्याचे ठाणेदार तीरुपती राणे, एपीआय शाम तायडे, संजय भगत, अमोल पवार, महादेव नेमाडे  हे सुध्दा हजर होते.  
 

loading image
go to top