Akola News : अकोला जिल्ह्यातील २८ शहिदांच्या शौर्यातून मिळणार प्रेरणा

अकोला - देशासाठी प्राणाची आहुती देणाऱ्या वीर सैनिकांचे स्मारक अकोला येथील हुतात्मा स्मारक इथे उभारण्यात आले आहत. येथे २८ शहिदांचे पुतळे उभारण्यात आले असून, नवीन पिढीला त्यांच्या कार्यकर्तुत्वाची ओळख करून देण्याचा प्रयत्न यातून करण्यात आला आहे. या स्मारकाचे शनिवारी उपमुख्यमंत्री देवेंद्र फडणवीस यांच्या हस्ते लोकापर्ण होणार आहे.

जिल्हा विकास निधीतील नाविन्यपूर्ण योजनेअंतर्गत एक कोटी ७४ लाख ९० हजारांचा निधी खर्च करून युद्ध शहीद स्मारकाची उभारणी करण्यात आली आहे. या स्मारकाचे लोकापर्ण राज्याचे उपमुख्यमंत्री देवेंद्र फडणवीस यांच्या हस्ते शनिवारी होणार आहे.

सकाळी ११ वाजता हा कार्यक्रम होणार आहे. या कार्यक्रमात जिल्ह्याचे पालकमंत्री राधाकृष्ण विखे पाटील यांच्यासह स्थानिक लोकप्रतिनिधी व पदाधिकारी उपस्थित राहणार आहेत. अकोला शहराच्या मध्यवर्ती भागात असलेल्या नेहरू पार्क चौकातील हुतात्मा स्मारकाचे नुतनिकरण करण्यात आले असून, येथे जिल्ह्यातील १९५२ पासून आतार्यंत शहीद झालेल्या सैनिकांचा प्रेरणादायी इतिहास उलगडून दाखविण्यात आला आहे. त्यांचे अर्धाकृती पुतळे येथे उभारण्यात आले आहे. येणाऱ्या पिढीसाठी ही हे स्मारक कायम प्रेरणादीय ठरणार आहे.

या शहिदांना करणार अभिवादन

शालीग्राम सुर्यभान दांगटे, उदेभान सीताराम तेलगोटे, महादेव नामदेव तायडे, दुर्योधन झाबुजी सिरसाट, यशवंत नथ्थु सरकटे, शेषराव श्रीराम म्हैसने, यशवंत आनंदराव देशमुख, राजकमल जस्सुलाल महाजन, प्रल्हाद भोलाजी साव, आनंदा सखाराम काळपांडे, अनिल ज्ञानदेव निखाडे, सुधाकर नागोराव खडेंकर,

नंदकिशोर तुकारामजी खाडेंकर, विनोद राजाभाऊ देशमुख, हरिचंद्र पंढरी वानखडे, विजय श्रीराम ताथेड, संतोष खुशाल जामणिक, ठाकरे निरंजन दयाल, दगडू रामजी लाहाने, भास्कर श्रीरीम पातोंड, तेजराव बळीराम दंदी, विजय बापुराव तायडे (मरणोपरांत सेना मेडल), मोहड विनोद यशवंत, कैलाश काशिराम निमकंडे, प्रशांत प्रल्हाद राऊत, संजू सुरेश खंडारे, आनंद शत्रुघ्न गवई, सुमेध वामन गवई (मरणोपरांत सेना मेडल).