Akola Crop Damage: अवकाळीचा घाव; २.११ कोटींचा दिलासा!; एक हजार ३८ हेक्टरवरील पिकांचे नुकसान; १,८४३ शेतकऱ्यांना मिळणार भरपाई

अकोला: जून महिन्यात झालेल्या अवकाळी पावसामुळे नुकसान झालेल्या पिकांसाठी शासनाने अखेर २ कोटी ११ लाख रुपयांची नुकसानभरपाई मंजूर केली आहे. जिल्ह्यातील १,०३८.१० हेक्टर क्षेत्रावरील पिकांचे नुकसान झाले असून, तब्बल १ हजार ८४३ शेतकऱ्यांना या मदतीचा लाभ मिळणार आहे. खरीप हंगामावर दुष्काळाचे सावट असताना शासनाच्या या निर्णयामुळे आर्थिक संकटात सापडलेल्या शेतकऱ्यांना काहीसा दिलासा मिळणार आहे.