अकाेला : वाईन विक्रीचा निर्णय मागे घ्या!

अकोला : महाराष्ट्र सरकारने वाईनची माॅल व किराणा दुकानात विक्री करण्याच्या घेतलेल्या निर्णायाच्या निषेधार्थ व हा निर्णय तातडीने रद्द करण्याचे मागणीसाठी अकोला येथे गांधी-जवाहर बागेत दारुमुक्ती आंदोलनचे वतीने लक्षवेधी धरणे देण्यात आले.

दारुमुक्ती आंदोलनचे प्रमुख संयोजक भाई रजनीकांत यांनी एक दिवसाचा उपवास करून राज्य शासनाच्या निर्णयाचा निषेध केला. सरपंच संघटना बाळापूरचे मंचितराव पोहरे यांच्या नेतृत्वात लक्षवेधी धरणे देण्यात आले. यावेळी रेखाताई वाकडे; सविताताई शेळके; महादेवराव भुईबार, महादेवराव हुरपुडे, आत्माराम शेळके, अशोक रामटेके, गोवर्धन खवले, बबनराव कारकिरड, वसंतराव केदार, प्रा.राजाभाऊ देशमुख, दिलीप साधवाणी, रोहित तारकस, गजानन गणवीर, शंकर सरप, शंकर तायडे, ठाकूरदास चौधरी, पुरुषोत्तम वसू, दर्पण खंडेलवाल आदी जिल्ह्यातील शेकडो नागरीक सहभागी झाले होते. हा निर्णय रद्द होईपर्यंत लढा देण्याचे संयोजक भाई रजनीकांत यांनी समारोप प्रसंगी घोषित केले.